Wo Irshaad Keh Kar Humein Sunte Gaye,
Hum Shabdon Se Hi Sapne Bunte Gaye ..
Wo Behte Paani Se Mere Paas Aaye,
Hum Cheeni Se Unme Ghulte Gaye ..
Uss Chanchal Behte Paani Ka Kinara Hun Main,
Bas Unki Jeet Ki Khaatir Hi To Haara Hun Main ..
Kabhi Mere Sapne Bhi Shabdon Se Baahar Aayenge,
Kabhi Ye Kinaare Bhi Apne Saagar Se Mil Jaayenge ..
Sapne Na Bhi Khile To Kya, Kinaare Na Bhi Mile To Kya,
Hum To Phir Bhi Un Mein Hi Mil Jaayenge ..
- Pawan Chaudhary (Guest Writer)
Categories:
Hindi Poetry,
Romantic
VERY GOOD...