neendon mein nashtar rendte rahe
kal raat hum sapne kuredte rahe
usne kaha tha khwabon mein aayega,
isliye hum salwaton mein raahein ukerte rahe
raah takte takte apne armaan kuch badh gaye
itna soye ke humpe raaton ke ehsaan chadh gaye
sapno ke phool to khil na paaye,
kambakht apni karwaton pe bhi kaante jad gaye
jo le nahi sakte wo naam kyun diya
jab aana na tha to paigaam kyun diya
din ki bechaini se humein inkaar nahi,
par raaton ko meri ye ilzaam kyun diya
agli baar aao to chokha vyopaar karna
waade do hi karna par asardaar karna
mere dil ki laachari pe na karo to na sahi,
par apne khanjar pe to thoda aetbaar karna
Categories:
Hindi Poetry
Interesting. Shayarana andaaz at its best :)